Etz hoff i halt, dass endlich amal schneit. Des is doch koa Winter bis etzat. I woaß a net, oba seit der Herker und da Käser wos zum Song hom, is des ganze Klima durchanand bei uns. Des hätts doch frühers beim Prechter Hans net gem. Oba oans muaß ma dem bunten Bündnis im Rothaus ja lassen: Pfahofa wachst und wachst. Letzts Jahr san in da Stodt 220 Babys auf d'Welt kumma und bloß 211 Pfahofara san g'storbn. Geburtenüberschuss, sogt do da Experte. Anscheinend is da Pfahofara nachts sehr aktiv. Naja, wos sollstn a macha außer Schnackseln bei uns. Im Breakout kriagst eh bloß aufs Maul und in da Stodt is ja nachts nix los. Und in Sachen Nachhaltigkeit is des auf jeden Fall des Beste, wos ma doa konn.