Mei, wos de Experten heitz’tog ois untersuacha. Etza hot as Max-Planck-Institut rausg’fundn, dass de Männer, de wo allawei Pornos oschaung, weniger Hirn hom. Des hoaßt praktisch, de Bleeden schaung Pornos, de Gescheiten schnackseln selba, oder? A bisserl Bedenken hob i do etz oba fei scho. Weil i im Sommer allwei de Weiba nochschau. Vielleicht werst do ja a scho a weng dappig. Wer woaß des scho? Und mei Oide sogt eh scho immer, wenn i oana von dene Tschicksn wieder amoi konzentriert auf die Augn schau: „Da brauchst gor ned hischaung, des is eh alles bloß Plastik“. Und i sog halt dann: „Des vielleicht scho, aber es is halt do.“