So, etz is soweit! Seit heit wiss mas wirklich hundertprozentig. De Inglstädter bringan ohne uns wirklich überhaupt nix zam. Koa City-WLAN, koa Wasserspui, koa Studio-Projekt. Und des, wos net bei uns obschaun, des machas de Bamberger noch. Und etz kummt sogar des Schanzer Christkindl ausm Landkreis Pfahofa. Also etz a mal ehrlich: Nix gega des fesche Madl, wirklich net – sie is ja schließlich oane von uns. Oba dass se diese angebliche Großstodt etz scho unsere junga Frauen ausleihn muaß, damit bei dene zumindest ansatzweis sowas wia Weihnachtsstimmung aufkimmt, des is doch peinlich ohne Ende. Wahrscheinlich machans uns etz dann a no den Weihnachts-Wichtl noch. Dann draht da Röder wahrscheinlich durch.