Also manchmal frogst de ja scho. Du, do hot heit Nacht oana in Geisenfeld sei eigene Wohnung zerlegt. Der hot de ganzn Möbel zamg'haut, bis'n dann Polizei mitgnomma hot. Gewahrsam, woaßt scho! Und dann les i do im Polizeibericht, dass der 1,5 Promill g'habt hot. Etz amal ehrlich. Mit oanahalb Promill, do is ma doch net wirklich bsuffa, do woaßt du doch no ziemlich genau, wos du machst. Wos macht nachat der, wenn er amal richtig voll is? Na, danke, i wuis gor net wissn. Neilich is doch erscht oana mit 2,4 Promill in Rohrbach in d'Ilm neigfahrn mitm Radl. Und der hots sogar no aus eigener Kraft ans Ufer g'schafft. Naja, auf da andern Seitn: Manchmal hot der Schmarrn, den oana macht ja net unbedingt wos mit de Promill zum doa. Do brauchst doch bloß in de Politik schaun.