Do kennst de aus! Buntes Bündnis in Pfahofa. De ziang des wirklich voll durch. Etz homs ja an Herker wieder zum Burgermoasta-Kandidaten g'wählt, de Sozis. Do gem de Roten praktisch grünes Licht und dann gibts vom Käser a orasche Lampn dazu. Do host du dann alle Farbn beinanda. Bis auf Schwarz. Oba Schwarz is ja physikalisch gseng a koa Farb, hot mei Physik-Lehrer immer g'sagt. Weil Schwarz is praktisch nur das Fehlen von Licht. Des werd da Käser etz wahrscheinlich net nur physikalisch so seng. Oba do muaß er etz dann durch, wenn de große Mutation kummt in Berlin. Zefix, Koalition moan i natürlich. I bin a schon ganz deppert vor lauter Wichtelzeit und Weihnachtszauber.