Etz konnst also dann in der ganzen Stodt mit dem Hallertauer zohln. Der Mensch Mayer, der lasst si wirklich immer wieda wos eifalln. Und da Stahl, der Hund, der is imma mit dabei, wenns wos Neis zum Verkünden gibt. Mir kinna ja bloß von am Glück song, dass mia in da Hallertau san. Sunst tat des Regionalgeld am End no Thüringer hoaßn oder Hamburger, Wiener oder Prager. Des kannt ganz sche für Missverständnisse sorgn, wenn du dann dein Russn mit Hamburger oder deine Amerikaner mit Wiener zohlst. Oder stell da vor, du stehst im G'schäft und frogst, ob du eigentlich no mit de Pariser vom letzten Jahr zohln konnst.