Hey, spinn i, oder wos? San mia in da Bronx? Da oane wui beim Juwelier eibrecha, de andern ramma dem Bauer sei halbs Reifenlager leer. Ja, bist du deppert. San mia etz vielleicht de lebenswerteste Stadt der Welt für Kriminelle, oder wia? Oder wolln mia den Nachhaltigkeits-Preis für Polizeibeschäftigung? Ja, bittsche, wia soll denn do da Röder an vernünftigen Wahlkampf führn, wenn er überhaupts koa Zeit für Politik hot, weil er als Ermittler den ganzen Tog bloß irgendwelche Ganoven jong muaß. Also, des is wirklich Wettbewerbsverzerrung. Mit fairem Wahlkampf hot des nix zum doa.