Du i sog das, bei der Bürgerversammlung heit in Pfahofa: Koa oanzige Watschn fürn Herker. Nix. Und wenn nachat amal oana überhaupt amal a bisserl wos zum Kritisiern g'habt hot, dann war de Stodt goa net zuständig. Oba ma muaß natürlich scho song: Des hot da Herker scho wieder schlau g'macht. Du, der labert de oanahalb Stund lang voll mit Zahlen, Daten und beamt Zeig an d'Wand, dass dir schwindlig werd. Wenn der fertig is, nachat bist du so platt, do bist du goa nimma in da Lage, dass du a kritische Frage stellst. Da Röder, der hot's richtig g'macht! Der is nach a guadn halbn Stund ganga – weil der derf se natürlich etz im Wahlkampf net eilulln lassn.