Du, da Straub Karl, der kriagt anscheinend goa net gnua vo de Postn. Etz is er doch eh scho im Landtag drin, nachat lasst er si etz a no auf der CSU-Kreistogslistn ganz om afstelln. Des is ja praktisch a gmahde Wiesn. Des konn der gor net versemmeln. Do miassat er si scho beim Joint-Raucha dawischen lassen oder zu wuid mit da SPD sympathisiern, dass des no schiafgeht. Und selbst, wenn den bloß jeda zwoate Opel-Fahrer und jede dritte Peugeot-Fahrerin im Landkreis wählt, miassat er locker neikumma. Dann hot er no an Job mehra. Du, der reibt se auf fürs Volk. Schlaft der denn überhaupts no? Am End wui er a no as Triple holn und doch nomal CSU-Kreischef wern. Obwohl, dann miassat er sie ja wieder mim Maurer Stefan aus Gerolsboch ärgern, dem oidn Revoluzzer. Und i glaub, so krass is net amal da Straub drauf.