Du, de Schnapp von den Grüna, de is fei ganz sche g'schnappig. Selba bringans eana Kreistogs-Listn net voll, oba an Straub von der CSU ofeng... Anscheinend greifas etz o, de Ökos. Naja, da Ettenhuaba, der hot ja damals scho zoagt, dass a hilanga kon. Und vielleicht hot de Schnapp des mitm Straub seine blaua Aung a ganz anders gmoant. Woaßt scho. Der Claudia Jung hot de Ober-Grüne ja a glei a sauberne hig'haut. Oba bei der mach i mia do koane Sorgn, weil wer in da Schlagerbranche überlebt, den haut so schnell im Landkreis Pfahofa a nix um. Wennst du neba de Wildecker Herzbuam am Buffet nach so a Musik-Show hinter de Kulissn zum Zug kumma wuist, dann lernst du, wia ma se durchsetzt.