Also, ganz ehrlich, mia daugt des goa net zurzeit. Da Christkindlmarkt is rum, bis zum Volksfest is no ewig hi. Vom Wahlkampf wui a koana wos wissn und Pfahofa hot scho wochenlang koan Preis mehr g'wunna. Do is irgendwia de Luft raus. Vom Käser heast und siehgst nix, da Habl is a so farblos im Moment, da Röder mutiert zum Stummerl. Ja, Leit, so werd des nix! Moants ihr denn, des laft ois vo selba. Bittsche, i konn mi wirklich ne um alls kümmern. Muaß ma denn imma selba oschiam, dass se wos rührt? Kummt do vo selba gar nix? Leit, i sogs eich, wias is: Wenn i tote Hose wui, nachat konn i a glei nach Inglstodt ziang.