Logo
Anzeige
Anzeige

Hobt's des g'hört: Im Landkreis Pfahofa gibts vielleicht bald koane gelben Säck mehr. I hob mir zerscht denkt, etz is soweit, de FDP hot se total aufglöst. Oba nachat hob i erscht g'merkt, dass des ja desmal nix mit Politik zum doa hot, sondern mit Recycling-Müll. Obwohl, Parallelen warn scho do! In der Politik werd ja zum Teil net bloß an Haufa Müll produziert, sondern sogar wiederverwertet. Do wern zum Beispui Ideen von da Opposition obglehnt und sechs Monat später bringt ma des Ganze dann als eigene Vision wieder aufn Tisch und dann is ma voll dafür. Oder manchmal wern sogar ganze Politiker recycelt. Schau dir de Gabriele Pauli o – oder den Inderwies Wolfgang. Der is der Mensch gworne politische Recycling-Kreislauf. Vo de Freien Wähler zur CSU und von der CSU zur SPD. Den konnst imma wieder für wos braucha. Bloß oana, der is unrecyclebar! Da Schmuttermayr, den gibts bloß in Schwarz. Du, der is so schwarz, der wirft sogar im Kohlenkeller no an Schattn. Der wui ja etz zum siebten Mal in Stadtrat nei. Ja, mi leckst am Oasch, do wissat i scho schenara Hobbies. Schwarzfischen zum Beispui. 


Anzeige
zell
RSS feed