Und, Schneckerl, host etz scho überlegt? Wia war's mit uns zwoa? Probier ma's halt wenigstens amal, wos moanst? Du, i erfüll dir jeden Wunsch, ehrlich. Des is überhaupt koa Problem. Do gibts etzat a Internet-Seitn vo der SPD, do schreibst einfach nei, wos du wuist und da Herker und da Käser macha des dann. Außer Schmusen hoit, a Koalition mit der CSU und sonstige Sauerein. Du, do muaßt amal neischaun, des is wirklich lustig. Do schreibst du unter "Wenn i Kini vo Pfahofa war..." einfach nei, wos du macha tatst und fertig. I hob scho eintrong: "Dann warst Du mei Queen." I bin etz bloß g'spannt, wann da Röder wos schreibt. Zum Beispui: "Wenn ich König von Pfaffenhofen wär, dann gäb es diese Seite nicht." Oder da Habl: "Wenn ich König von Pfaffenhofen wär, dann wär alles Orange und Grün." Woaßt scho, wos i moan. Etz überlegs da hoit nomal mit uns, gell! Oba schick di, weil am Samstog hob i a Date mit da Nicki. Und du woaßt ja, wos se auf Nicki reimt...