Gedanken, die sich wahrscheinlich sonst keiner macht.

Also, ganz ehrlich: Zerscht, wo i glesn hob, dass die Schnapp Kerstin etzat mitm Käser Markus geht, do hob i mir fei scho denkt: Hoppla, etz werds hinten bunter wia vorn. Auf da andern Seitn is natürlich sozusagen jeder a freier Wähler bei der Frage, mit wem er ins Bett hupft und mit wem net. Oba es hot se dann zum Glück alles schnell geklärt: De zwoa wolln ja bloß auf politischer Ebene kuscheln. Also koa Panik: FSK 0 statt FSK 18.

Weil d'Schnapp is ja die Chefin von de Grünen im Landkreis Pfahofa und da Käser von de Sozis. Und etzat wollns in etliche Gemeinden mitanand a Listn aufstelln. Wos soll des bringa, fragst du dich da natürlich sofort. Wo doch de SPD so grottenschlechte Umfrage-Werte hot und de Grünen auf dem totalen Höhenflug san. Aber inzwischen is mir des Ganze klar: Wenn de Grünen sich um de vom Aussterben bedrohte SPD kümmern, nachat is des im Grunde ja nix anders als Einsatz für Artenschutz.

Artikel zum Thema:

Wenn die Roten mit den Grünen: Wahl-Kooperationen im Kreis Pfaffenhofen

SPD und Grüne wollen Herker als gemeinsamen Bürgermeister-Kandidaten