Du, Schneckerl, host des g'hert von dene Spezialistn vom Forum Baukultur. Etz deaf da Manfred Mensch Mayer als oanziger Pfahofara Spitznkandidat morgn Omd net mitdiskutiern, weils koan Plotz mehr frei hom und a koa Mikrofon übrig. Des hot zwar mit Fairness und Demokratie nix zum doa, oba es hoaßt ja Forum Baukultur und net Forum Diskussionskultur. De hom halt mit de Vorbereitungen für de Veranstaltung scho o'gfangt, wias de GfG vom Mayer no goar net gem hot. Und mit da Flexibilität homs de anscheins ja net a so. Du, etz amal ehrlich: Wer a so plant, der hot wahrscheinlich a immer a paar leere Bierflaschn im Kühlschrank – falls amal wer vorbeikummt, der wo koan Durscht hot.