Du, der Powerziach vo Dellnhaus, der schreibt a poar Zeiln zamm, nimmt sei Quetschn und scho kummt Sat1. I glaub, ich werd etz a Dichter. Am besten fang i als poetischer Wahlkampf-Berater o: Stärker mit Herker, blöder mit Röder – na, geht net. Is g'schert und außerdem: Wos reimt se bitte auf Gürtner und Kalupar? De zwoa konnst ja net amal zum Veraschn braucha. Dabei hätt i scho so scheene Reime parat g'habt für Pfahofa. Auf den Schüler vo der CSU zum Beispui, do reimt se Wühler. Und auf Habl hätt i international g'reimt: trouble.