Und, wos moant's ihr? Etz werds langsam wirklich Zeit, dass der Wahlkampf-Zirkus endlich vorbei is. Weil etzat kummt ja a no da Fasching dazuoa. Do woaß ma ja überhaupts nimma, wo de Kandidaten aufhern und wo de Maschkerer ofangan. Außer natürlich beim Gürtner, des is praktisch da Fred Föhn vo de Freien Wähler, der schaut natürlich immer blendend aus. Oba über den derf i koane Witz mehr macha. Letzts Mal hob i bloß g'sagt, dass se auf Gürntner nix Gscheits reimt und dass ma eam desweng net amal zum Verarschn braucha konn – du, do war der glei beleidigt und hot in Facebook neigschriem, des is niveaulos. So a wehleidigs Wimmerl. Steht FW für "fürchterlich weinerlich", oder wos? Mir is des wurscht, etz wähl i wirklich den Kalupar von der FDP. Auf den reimt se zwar a nix, oba der is wenigstens net immer glei eig'schnappt.