Host des mitkriagt, da Daschner is nimmer Chef vo da Pfahofara FDP! Von sich aus hot er aufg'hert, angeblich zwecks de schlechten Wahlergebnisse. Ausgerechnet etz, wo doch in zwoa Wocha wieder alles besser g’worn wär: Weil wenn am 25. Mai de Abstimmung über den gelben Sack oder de gelbe Tonne is im Landkreis, nachat hätt doch praktisch a jeder für Gelb g’stimmt. Oba da Daschner is halt Statiker und koa Statistiker. Dafür hot er etz mehr Freizeit, is ja a schee. I wissat scho wos für eam: Er kanntat doch ehrenamtlich in der Tierherberge mithelfa oder sich a kloans Beet im Inter-Kultur-Garten pachtn.