Du, de gem vielleicht Gas! War i heit Nachmittog in der Stodt drin zwecks fünf Halbe Bier und dene oidn Kistn von dera Rallye. Woaßt, wen ich troffa hob: An Josef Postel! Woaßt scho, den Kreischef vo da FDP. Sogt er, er geht heit no auf a Weinprobe. Na sogt mei Spezl zu eam: Ja, des is klar, weil mit Promille kenna se de Liberalen aus, da brauchst da ja bloß de Wahlergebnisse o’schaung. Na sogt da Postel freiweg: Es kumma a wieder bessere Jahre. Etz woaß i bloß net, ob er wirklich de Wahlergebnisse gmoant hot oder an Wein.