Host des mitkriagt?! 2017 wollns vielleicht wega da Gartenschau as Pfahofara Volksfest net aufm Volksfestplotz macha, sondern mitten in da Stodt drin. Also i find, des is doch a super Idee. A Riesenradl aufm Hauptplotz, da Schiaß-Stand glei nebam Brillen-Gschäft und a Los-Bude bei der Kirch drom. A Geisterbahn wolln’s angeblich a wieder macha – do wissat i ganz spontan an guatn Plotz: Im Festsaal vom Rothaus drob’n, wo sunst da Stadtrat drinhockt. Do konnst eigentlich alles a so lassn wia’s is. Weil wennst du manchmal in de Gsichter neischaust, dann kummst da eh vor, wia in da Geisterbahn.

Artikel zum Thema: Steigt das Volksfest 2017 mitten in der Stadt?