Von wegen lebenswert! So a Sauwetta wia des heit war in Pfahofa, do speibst di doch. Und des ausgrechnet zu da Martinidult. I glaub, da war heit net amal da Habl mit seim Fotoapparat unterwegs. I woaß etz a gor net, obs überhaupt Regenjacken und Schirme in halb Grün und halb Orange gibt… Auf jeden Fall wollt i mi do heit glei amal beschwern wega der gsperrnt Innenstadt – weil i ja mit meim Auto fast in Reisgang draußn hob parken miaßn, obwohl in da Stodt ja gar nix los war. Ich geh also nei ins Landratsamt, war natürlich tropfnass und auf 180, und wollt frong, ob de vielleicht an Vogel hom. Sogt glei am Eingang oana zu mir: Heit net bloß oan.