Do is doch scho wieder irgendwos im Busch. War heit doch in Inglstodt a riesen Diskussionsveranstaltung mit alle Oberburgermoasta-Kandidaten. Du, de hom fei glei achte. Des i ja fast scho a demokratische Mutation. Oba egal, des is ja dene eana Sach. Und wähln konnst ja eh bloß oan, und des is oft scho oana z'vui. Jedenfalls, wer sitzt do mit im Publikum: Da Käser und da Stahl – da Ober-Sozi und da Ober-Wichtl. Wos soll nachat des scho wieder? Plant etz Pfahofa de feindliche Übernahme vo da Schanz, oda wos? Dofür kanntats amal wirklich an Nachhaltigkeits-Preis kriang.