Also, wenn i mir des so recht überleg, dann is mir des mit der Adventszeit fei entschieden zu fad. Glühwein hin oder her. Mia wars liaba, de tatn etz endlich amal mit dem Wahlkampf ofanga, dass se do amal wos rührt. Des vom Röder mit der kulturellen Mutation war ja scho net schlecht. Und wia dann da Wichtl sozusagen zurückgereimt hot, do hob i mir gedacht: Etz geht's nachhaltig los im lebenswerten Pfahofa. Oba nix host mehr g'hört seitdem. Is etz Kuschel-Alarm, oder wos? Der Käser is a so stad, da Herker macht etz auf Bauhof-Mitarbeiter und de IGLI hot scho seit Freitog nix Neis mehr verkündet. I woaß a net, wos de alle hom. Bin i denn der oanzige, der se no Gedanken macht?