Du, des haltst ja nimma aus, wia de Inglstädter zu uns obapilgern. Des san ja koane Informationsbesuche mehr, des grenzt doch scho an Wallfahrt. Etz werns nachat wahrscheinlich an Herker, an Käser und an Stahl bald selig sprecha – zumindest auf da Schanz. Oda de drei wern ins Weihnachtskripperl neig'hockt als Heilige Familie der Nachhaltigkeit. Also, mia geht des scho a bisserl z'weit. Fallt dene in Inglstodt denn selber goanix ei? I tat song: Entweder de bringa etz do om amal selba wos zamm oder de kriang an drittn Buchstam ans Autokennzeichen hi. Weil mit Großstodt hot des nachat nix mehr zum doa.