So, etz homma den ganzen Bescherungs-Krampf a wieda rumbrocht. I hob desmal meina Oidn a Schiebetür g'schenkt – zwischn Wohnzimmer und Küch. Du, de macht allweil a so a Gaudi beim Obspuin, do versteh i überhaupt nix mehr vo meim Fuim. So richtig g'freit hot sa se oba net. Undankbar a no, verstehst. Naja, bis Ostern hot sa se scho wieda beruhigt. Do kriagts dann an neier Kühlschrank. So oan mit Eiswürfel-Zubereiter, nachat hob i immer an gscheiten Drink zum Fernsehschaung. Und de nächste große Bescherung, de kummt ja eh erscht am 16. März. Bei der Kommunalwahl. Apropos, da fallt mir ei: I muaß ja etz dann no den Ochsn und den Esel ins Kripperl neistelln.