Mei, da Käser wieda. Etz kummt der scho wieda im Fernsehn. Neilich war er doch erscht drin beim Grilln. Desmoi gehts um a so a Nachhaltigkeits-Ding auf BR-alpha. Zerscht hob i ja gmoant, des is a Radiosender, weil des war ja lustig g'wesn. Nachat hättn de von der CSU endlich amoi mit Fug und Recht behaupten kinna, da Käser is radio-aktiv. Oba na, sogt mei Spezl, angeblich is des a TV-Sender. I kenn mi do ja net so aus, i schau bloß "Gute Zeiten, schlechte Zeiten", und do kummt ja nix von de Sozis, weil guade Zeitn hom de scho lang nimmer g'habt. Und manchmal schaug i nachts de nackatn Weiber o, de imma wolln, dass i sofort bei eana oruaf. Oba dene pfeif i wos! Wenn de wos wolln in eanam Leder-Gwand, nachat missn de scho bei mir vorbeikumma.