Do haut's da doch an Schalter naus. In Freising hot die Polizei ein Neunjährigen beim Autofahrn dawischt. Da Kommissar Röder war's oba desmal net, weil der ermittelt ja bloß im Raum Pfahofa. Oba da Wahnsinn is des eigentlich scho: Wennst a Metzgerei aufmacha wuist, nachat brauchst an Moastabriaf, zum Autofahrn brauchst an Führerschein und Nuttn brauchan a amtsärztlichs Gsundheitszeignis – bloß in de Politik lassns wirklich an jeden. Des war etz fei net gegan Röder, gell, net dass do wer wos falsch versteht. Bei dem miaß ma erscht no schaun, wos er draufhot als Buagamoasta-Kandidat. Morgn is ja großer Wahlkampf-Auftakt bei der CSU. I siehg etz scho schwarz.