Also, oans muaß ma da FDP wirklich lassen. De sorgn im Moment im Landkreis für mehra Aufreger als wias Mitglieder hom. Du, do brauchst scho a ordentliche Logistik dahinter, wenn du an alle Ecken und Endn a so zündeln wuist. Net umsonst sogt ja da oane oder andere scho, dass FDP für "Fire Department Pfahofa" steht. Obwohl, des is ja a falsch, des warn ja nachat de, de wo löschn. Und löschn is etz wirklich net de Stärke vom Daschner, Postel und Stockmaier. Du, drei Drei, de tat i etz erscht amal zwoa Wocha ins Dschunglcamp – und dann hättn de bei mia jedn Tog drei Dschungelprüfungen, und zwar alle mit Ekel-Faktor. Erschnts: Alles schlucka, wos da Landrat sogt und macht. Zwoatens: Überschütt werns mit CSU-Kritik. Drittens: Unter der Fünf-Prozent-Hürde durchn Schlamm robben. Nachat wern de scho ruhiger. Und wenn des alles no nix huift, na kummt da böse Wolf.