Du, Schneckerl, wos isn mit da FDP los? Heit hot ma no goa nix g'hört von dene. Normal werd doch vo de gelben Säck mindestens jeden Tog oana beleidigt, bezichtigt oder beschossn. Na, stopp, gelbe Säck derf ma net song, des is unfair. Do tuat ma erschtns de Chinesn Unrecht und zwoatens wui de FDP ja de gelbe Tonne. Oans muaß ma ja wirklich song: De FDP kümmert se um Abfall wia koa andere Partei. Und bloß weil se gestern da Stockmaier im Kreisausschuss a kloans Eigentor g'schossn hot, da Daschner regelmäßig kurz vor da Beleidigungs- und Verleumdungsklage steht und da Postel... – na, i sogs liaba net. Is ja a wurscht. Jedenfalls konn ma dene Liberalen oans ganz g'wiss net obsprecha: De san wirklich bemüht, ihrer Partei nach de jüngsten Wahlschlappn a völlig neis Profil zu gebm.