Mei, des war vielleicht a G'schiss wega dera Buagamoasta-Wahl in Pfahofa. Monatelang machas rum zwecks "Näher dran" und wos woaß i und am End wähln nachat eh zwoa vo drei an Herker. Do hom de Schwarzn Rot g'seng gestern. Naja, übern Gürtner mach i ja koane Witz mehr, wissts ja eh. Warum? Weil ich's kann! Du, oba i hob gestern zu meim Spezl g'sagt, des Ergebnis vo 0,99 Prozent für den Kalupar vo da FDP, des konn i mir wirklich net erklärn. Du, des warn ja grod amal 112 Stimmen. Do schaust fei scho bläd. Woaßt, wos er dann sogt, mei Spezl? Sogt er, des konn er sich sehr wohl erklärn. Der werd halt a recht große Verwandtschaft hom, der Kalupar.