Mei, des konn ja wos wern mit dem Heimatmuseum bei unserer Pfahofara Spitalkirch. Zwoa Besucher-Magneten direkt nemanand… Do geht links koana nei und rechts a koana. Woaßt, wia ma des normal nennt, wenn koana kummt? Ingolstädter Fuaßgängerzone! Naja, do kinna se etz a paar Stadträte no a Denkmal setzn mit dem Museum – und nachat kinna sa si a glei selber neihocka. Obwohl, des geht ja a net. Weil in dem Museum soll ja unter anderem des Thema Volksfrömmigkeit behandelt werdn – und do wissat i ausm Stand den oana oder andern, der wo do scho amal ausm Spui is.