Du, Schneckerl, wia schautn des etz mit uns aus? Des tuat ma leid, dass des mit meim Einzug in Stadtrat zwecks 7500 Stimmen net ganz klappt hot. Oba, du muaßt des positiv seng, weil etz hob i natürlich vui mehr Zeit für di. Und des is doch des Wichtigste, oder? Und zwischen Koalition und Kopulation is etz da unterschied oft a net sooo groß. De Freien Wähler, de hom ja kurz amal da CSU schene Augn g'macht, obwohls eigentlich scho g'wusst hom, dass si gor net bereit san für a neie Beziehung. Bei dir und mir schaut des ganz anders aus, Schneckerl. I bin sowos von bereit für di. Wos moanst, soll ma amal a kloane Sondierungsrunde starten? I glaub ja, mir hättn inhaltlich große Übereinstimmungen. Bloß oans is klar: Nachdem i etz ja net im Finanz-Ausschuss drinsitz, miassast halt du den Haushalt macha.