Mei o mei, san des Breznsalzer! Dene Inglstädter Bergaufbremser konnstas wirklich net recht macha. Des ganze Jahr schreins, wei nix los is in dem seelenlosen Industriekaff, und etzat homs an oam Wochenend Halbmarathon, Bierfest, Oldtimer-Parade, Eishockey und Fuaßboi, nachat bassts natürlich a wieder net, weil des den durchschnittlichen Schanzer anscheinend glei überfordert. Ja, wos wolln nachat de? In Pfahofa is net amal a Fünftel von dem los – und mir kriang oan Preis nachm andern. Du konnst also praktisch unterm Strich song: Sogar, wenn mir in Pfahofa gar nix macha, samma immer no besser, wia de Schanzer.