So, Schneckerl, i muaß etz langsam hoam. Woaßt scho, heit geht doch endlich de Fußball-WM los. Mei, i g'frei mi scho so. Do siehgst jedn Tog dahoam vo da Couch aus andere Länder rumlaffa und brauchst net auf dei Weißbier oder auf dei Sulz verzichten. A so a WM live miterlebn, des is doch im Grunde bloß interessant, wenn de in Oberbayern oder Niederbayern is. Scho zwecks'm Essen. Und woaßt, wos des Beste is: Mei Oide, de schaut mit mir a jeds Spui o, de is total fußballnarrisch. Sie sogt, sie schaut ja grundsätzlich bloß Männer-Spiele. Weil Frauen-Fußball, sogt sie, des geht überhaupts net – do hom ja alle Frauen des Gleiche o, und des is für sie ja  modetechnisch a Katastrophe. Und woaßt, wos sie außerdem sogt: Sie g'freit se scho auf de K.o.- Runde bei der WM, Achtelfinale aufwärts. Des is besser wia Sex, sogt sie – weil do host immer de Chance auf Verlängerung...