Logo
Anzeige
Anzeige

Du, des san a so Helden im Pfahofara Stadtrat. Do diskutierns fast a Stund lang über de Verlegung vo de Sportplätz an der Inglstädter Strass und hin und her und wegam Geld und Fangnetze und Trainerbank und wos waoß i alles. Grod aufg'schaftelt homs. Und nachat sans doch alle einstimmig dafür, dass des 350 000 Euro mehr kostn deaf. Versteh muaß ma des eh net. Des is ja eh imma des selbe: Wenns um komplizierte Sachan geht, nachat werds plötzlich ganz stad und alle ziang an Kopf ei, wia in da Schui, wo du hoffst, dass de da Lehrer bloß nix frogt. Oba wenns nachat um Schloglecha geht oder wia a neie Strass hoaßn soll oder ob du mit Stollenschuah über an Kunstrasenplotz renna deafst, do woaß dann a jeda wos. I waoß wirklich net, warum se da Schmuttermayr des no a siebte Periode odoa wui. So vui Schloglecha hom mia etz a wieda net.


Anzeige
zell
RSS feed