Du, Schneckerl, nix für unguat wega gestern, gell. Vo mir aus konnst ruhig no zwoa oder drei Tog länger überleng. I hob etz g'hert, de Jenny is inzwischen eh scho vergem. Und i bin ja nur in di verliabt. Du, wos ganz anders: Host des heit g'lesn mit dera Herz-Schmerz-Gschicht von dem Jagdhund, der wo bei uns do davuglafa is und den wo's etz Wochen später in Rengschburg wieda gfundn hom, wohlauf. Mei, des is doch amal a guade Story bei dem ganzen Mord und Totschlog rund umadum. Oba i sog da a glei oans: I wissat scho a poar so bläde Hund, de kanntatn vo mir aus no vui wieda davulafa und de tat bestimmt koana suacha.