Also, i glaub, dass de CSUler heit a bissl blass worn san, wias g'hert hom, dass de bunte Koalition in Pfahofa weitermacht. Do homs praktisch Rot g'seng, de Schwarzn. Weil so insgeheim homs natürlich scho no a bissl g'hofft, dass sie vielleicht de Freien Wähler und de zwoa ÖDPler eifanga kanntn. Oba da war anscheins nix zum macha. I mächt gor net wissn, wos de SPD dene alles versprocha hot, damits bei der Stanga bleim. Naja, des is halt Politik und Diplomatie. Wia hot amal a ganz a schlauer Typ g'sagt: Diplomatie ist die Kunst, die andern so in die Hölle zu schicken, dass sie sich auf die Reise freuen.