Is etz eier Kloaner a in der städtischen Musikschul auf meine Kosten, oder wos? Du, für 300 000 Euro im Jahr, do konnst fei vui Sachan macha, de wo se besser ohern. Des san mindestens 120 000 Halbe Bier, i bitt di recht sche. Und do woaßt nachat wenigstens, warumst an Brummschädel host. Oder schau dir an Herker o: Der spuit a de erste Geige – bloß der kriagt sogar no an Haufa Geld dafür. Und etz, wo er a no mitm Raucha aufg'hert hot, bleibt eam ja no mehr übrig. Du, wenn der etz no sechs Jahr regiert, nachat konn er se zur Ruhe setzen und oan auf Privatier macha. Oder er macht dann halt wos, wo er ehrenamtlich sei ganze Erfahrung und sei Wissn eibringa konn – Zwoata Buagamoasta zum Beispui.